فاض الحزن
محد يعرف بعلتي ومحد يدرك الي صار
وشما سولف تهيج الروح وتزيد بيه النار
متكلي هذا الكلب شلون باقي يدك
لو ضيمه شاله جبل جان انهجم هالجبل واصار طشار
والروح خرده اصبحت وماتحتمل اي ضيم
ولو ضيم مر من بعد تلزمها رجفه ابساع ويدك عليه انذار
والعين يمه العين من عده مفضوح
لو مر طاري الولف تذرف على خدودي الدمع انهار
كضيت عمري قهر وتعالج الروح
وجروحي كثرا علي والجسد ينهار
ياناس ارد اعترف بالحب انا مجنون
بس حبي عني رحل وبحضن غيري صار
ياناس فاض الحزن والصبر اله احدود
شما تلاوه الصبر ويه الحزن فاز الحزن باصرار
ياربي بيدك تره داويلي هاي الروح
بجاه حب النبي وحيدر الكرار
وان جان موتي دوه ويعالج الروح
راضي انه بالموت بس وينه النحار
يشوفوني ربعي ابتسم يكولون خالي هموم
مايدرون من همي انا اشتكه حتى اهلي والجار
ياخواني هذه حالتي من صغري مسكوم
ولو تنسأل على الحزن كول اسمي بجهار
كلماتي
شاعر العراق