احبك بس الك

احبك بس الـــــــــــــــــــك


يمن صوتك نغم ركصلي أيامي
ويمن وجهك رسم حلالي دنيايه
ويمن عطرك عطر من جنة الله
ويمن حبك نجم واحتلهه لسمايه
ويمن بيك اني افكر طول النهار
ويمن باحلامي دوم الكاك ويايه
ويمن اسمك حرز خطيته بالروح
ويمن رفت محبتك عالكلب رايه
يا طير المودة الساكن الروح
يا وردة عشك .. ما بيهه سلايه
اريدك بس الك لا كلشي ماريد
وابد متهمني ثق لاذيج .. لا هايه
صرت كلشي بحياتي وانته رجواي
وصرت أهدافي انته وانته منيايه
حبيبي انته واليه واني الك للدوم
والله واني غيرك مالي أي غايه
أتدلل عليه .. شما تريد يصير
وأمر .. اني خادم وانته مولايه
إذا تبرد حبيبي بروحي اغطيك
واذا نعسان اصيرن إلك جربايه
اكسرني واخذ ضربة جزاء وياك
كول بيه الك مفتوح مرمايه
احبك بس الك .. خل تشهد الأيام
أبقى اني القرد .. وانته احله موزايه




اتمنى تعجبكم وانتضر ردودكم تحياتي الكم
عراقية

يسلموووو هندو عاشت الايادي
تقبلي مروري
بغدوو

يسلموووووووووو على القصيدة الحلوه

تقبلي مروري

شاعر العراق

يسلموووووا على القصيده الحلوه

اشكركم على المرور وتحياتي الكم

عاشت ايدج عراقية ع الكلام
تحياتي الج

يسلمو عيوني بغدادي على مرورك

تحياتي الك

مشكورة خيو
وتقبلي مروري