اه ياعراق

اه يا عراق

يا عراق اجذب لو كلت انساك .................... كلما تغيب الروح الكاها وياك
انته الصديق الوفي الماخنت مره وياي ............ولجروحي طب اصبحت لو مر علي طرواك
ياعراق الخير لترابك احن ...................... ولماي دجلة شفافي تتنخاك
ياعراق الخير ادموعي جرت ..................... وبيهن على اخدودي انكتب يالغالي ماانساك
يا حبيب الروح انته الروح ...................... وانته الكلب والعين كلها افداك
كل ما اريد اشكيك اخجل واظل حيران ........ شلون اشكيك وانته الينشكي ابلواك
ياعراق افرح وشكك اثياب الحزن .................. ولملم اولادك ياوطن مو كافي هم وفراك
ياعراق انهض ولاتعتمد على الكال .............. تره بيدك تخيط الجرح وبيدك تلاوي اعداك
يل ما عرفت الوطن وشلون الوطن ينكال ............ حبيتوا هسه الوطن من كام الوطن ينباك
بأسم الوطن دمرتوا معنى الوطن ...................... وللعدو شاذي اصبحت من اجل تجني املاك
ياشاذي العدو اسمحلي اعرف الوطن ................. لحروف الوطن معنى لو تمتلك ادراك
العين عطر المسك بيك انعجن ................... والراء راقي يظل مسعاك
والالف الفه ومحبه تفيض من وجنتك.................... والقاف قهر والالم بجفاك

كلماتي

شاعر العراق

عاشت الايادي شاعر العراق والله شعرك روعه

تسلم الايادي الي كتبت والفكر الي تعب وفكر وتسلم يا العراق يلي خليت شبابنة هيجي يعبر


عشت يالعراق

تسلمون على المرور الجميل

عاشت ايدك حبي شاعر
تحياتي الك

تسلمون على الردود الجميله

مشكور شاعر روعة
تقبل مروري

مشكور خيو
وتقبل مروري