العلم
جاني العلم بالحلم يسألني عن الصار .......... يسألني شنهو الوضع وشنهو اخر الاخبار
اسنين يأبن الوطن مارفرفت بالدار .......... اسنين من منشمر ومصفط بجرار
اسنين وانه الحزن مجتفني اجتوف............ وفوكاها رغم الحزن يردون مني الثار
يردون مني انتزع من صدري النجمات ....... والله اكبر تنمحي من اجل يرضى الجار
لك اني الي جنت من الكصه انباس ....... .... ووكت الحرب مرفوع ومشيول بيد احرار
جنت من انرفع وسط الحرب ............... الجنود كلها تنتفض وتصيح احمو الدار
يابن الوطن شنهو الجرى بالوطن ........... والارض ماهي الارض متكلي شنهو الصار
خجلان منك ياعلم شوصفلك الي صار......... كدام عين الشعب الوطن صاير نار
من دون كل الدول وطنه منهوب ............... .. تقبل بلادك ياعلم يحكمها الكفار
تقبل بلاد الخير يسكنها الالم والخوف ........... ورغم الالم والخوف مانرضخ لجزار
ياعلم لاتعتب على الشعب الشعب ماناسيك...... اعتب اعلى الي اجو على ظهر الاستعمار
الارض متغيرت نفس الارض بالطيب......... والشعب هو الشعب عراقي وابن احرار
انه بالغرب وبيوم الفرح بجتافي مشدود ....... رغم ممنوع شيلك عاندت بصرار
يارمز الوطن لاتحزن اعلى الصار ............. لازم يرد الوضع ويرجع يلمنه الدار
والاجنبي انلاويه ويعرفنه كلش زين ........... ولد كرار احنه وثوره المكوار
ولد كرار احنه وثوره المكوار
كلماتي
شاعر العراق